مدرسة معاذ بن جبل للتعليم الاساسي

أهلاً وسهلاً بك زائرنا الكريم - تسعدنا زيارتك
ندعوك للتسجيل معنا .
مع أطيب أمنيات إدارة المنتدى بقضاء
وقت سعيد ( الناظر )

الوادي الجديد - الخارجة ( تصميم / رأفت فتحى )


    المعادلة للشاعر ناصر محسب

    شاطر

    نسايم الايمان

    عدد المساهمات : 35
    تاريخ التسجيل : 05/02/2012

    المعادلة للشاعر ناصر محسب

    مُساهمة من طرف نسايم الايمان في الثلاثاء فبراير 07, 2012 8:11 pm

    المعادلة

    الوطن بيرد بابه
    وانته متوزع ما بين
    إن كان غيابك أو غيابه
    واغترابك جوه نفسك مين يحسك
    والوطن تايه وبيعاني اغترابه
    وحضرة الوطن اللي باعك جلادينه
    واللي حاربك جوه دينك جوه دينه
    كنت ساقط من حسابه
    و ف كتابه الخوف اله
    والسكات والذل ضعفك
    همه دول تمن الحياة
    وانتشر سرطان غباءه
    واستباح أى اتجاه
    الوطن بيرد بابه
    يستبيح الضلمه وحده
    ويطرد الضي اليتيم
    والفجر ترجع خطوته
    وف سكته تلاتين سنه
    كوابيس من الليل البهيم
    تلاتين سنه تطرح هموم
    لا الأرض أرضك والسما متلتمه
    اسود غطيس الليل بيطوي في النجوم
    لا تقوم قيامه ولا الدعا فاتح بيبان
    ولا ضي بان إلا انطفى
    على صوت بيادة عسكري متخلفه
    ويسب يلعن والجموع مستضعفه
    موروثه في العهد القديم
    مفطومه على نهد السكات
    صبر وفا
    ايد النظام المجحفه
    تهتك عروض تمنع فروض
    حتى الصلا والانحناء للي خلقنا في السماء
    لا دين ولا رب واله
    ولا يوم حساب
    لا بيردعه نهر البكا
    ولا آية تذكر في الكتاب
    لا تقول نصارى ومسلمين
    ولا حتى كفره أو مجوس
    الظلم طافح والوطن مقتول فطيس
    تلاتين سنه كاتم النفس
    يصحى وينام الخوف على كف الحرس
    لا أدان ولا دقة جرس
    هتصحي في الوطن القتيل
    جيل بعد جيل
    والخوف بينخر ف العظام
    والشعب يرضع الاستكانه و الاستهانه والانهزام
    سبح نظامه بالسلام المستريب
    يولد نهارك في وطن مكسور غريب
    اسأل وجيب
    لما الحبيب يصبح عدو
    لما العدو يصبح حبيب
    تلقى المعادلة بعلمها لا تستجيب
    بالجمع أو بالضم أو بالطرح أو بالضرب
    لكن .. قسمة الزمن العجيب


      الوقت/التاريخ الآن هو الإثنين نوفمبر 20, 2017 5:04 am